一年容易又冬至

今日係冬至！祝各位冬至快樂！

奶奶的兩位姐姐來港渡假，所以今年冬至出街食，明知今晚得唔夠兩鐘食飯，但無辦法，食早一輪(即6-7:45PM)較容易訂位。

今晚去了又一城嘅又一棧，本來訂咗兩間，一間泰國菜，一間京菜，奶奶話食京菜，我哋無乜所謂。

雖然有散叫菜式，但我們都是叫了八人套餐，因為菜式都啱口味。

小蔥拌豆腐、蟹粉小籠包、XO醬蒜香蝦球

糖醋小排骨、蔥油拌麵、北京填鴨、醉雞

松鼠星斑半條、花素餃、高力豆沙香蕉

砂鍋雲吞雞燉翅、翡翠蠔皇花膠海鮑脯忘記拍照。

回家在樓下糖水店買了薑茶湯丸，一碗芝麻，一碗花生，呢間糖水店都幾好食架。