有人話我好耐無做功課，係呀！希望2014寫啦！哈哈！
為咗要換吓網誌，唯有儲起食物相用來「攝期」啦！對上一次寫煮餸都三個星期前喇！呢段時間煮過乜？都係煮吓湯咁啦！
紅蘿蔔粟米土伏靈湯（現成湯包，上個月煲過，今日又再煲。）
焗叉燒 + 南瓜紅棗杞子排骨湯
自家小火鍋
豆豉蒸黃立倉（呢條係急凍魚，買咗兩個月，都幾大條，但原來未劏，搞到我雞手鴨腳，好彩，肉質實淨，但唔記得係邊度買。）
上個星期三開始，只顧低頭趕呀趕，結果「落枕」了（瞓捩頸），所以昨天要停一停，晚上煮了幾個菜，但無煮飯。
煎日式餃子、本菇煮日式南瓜、湯浸皇帝菜（我唔食架）、香草天日盬焗鱆紅魚（我在一田買的，這是鱆紅魚生起出的魚塊，比較少見，一般見三文魚頭。因為海鹽用晒，買咗天日鹽，唔知味道，結果鹹咗少少。）
沒有留言:
張貼留言