冬至自家煮

你哋砌到幾多味餸呢？

對我嚟講，呢餐都極限喇！

中午十二點搞到七點。

菜單：

椰子紅蘿蔔粟米合掌瓜煲雞湯

蒸花尾躉

南乳蓮藕馬蹄炆排骨豬手

三色椒小炒王

鮑魚冬菇西蘭花

蒸臘腸、膶腸

家姐買嘅乳豬、奶奶整嘅木耳青瓜、姑仔買嘅飯後甜品，所以唔煮湯丸lu～～

下次做節都係打邊爐好啲～～

10月自家煮

呢排間中會煮餸俾花老爺帶飯，或者佢OT回來的晚餐，所以都煮多咗。

A) 台灣山苦瓜炒龍疐球

B) 木瓜雞腳眉豆湯

C) 蒸立魚、素菜湯

D) 大豆芽菜煮龍疐球、紅蘿蔔粟米合掌瓜瘦肉湯

E) 蒸三刀魚、紅蘿蔔牛蒡排骨湯

F) 蒸盲曹、大豆芽豬肉雞腎

G) 納豆飯糰、大蔥炒雞柳

8、9月自家煮

出街食多了，都要自己煮吓嘅。7月就無煮過喇，8、9月就有。

A) 自家烤牛肉(配醃蘿蔔)、炒磨菇、炒椰菜

B) 西芹車厘茄炒肉片

C) 大豆芽炒肉片、櫻花蝦煮椰菜、排骨湯

D) 自家小火鍋

E) 紅蘿蔔、粟米、雞湯

F) 再來自家小火鍋

G) 滴雞精、大豆芽菜煮豬肉

H) 煲湯渣做菜(用E的湯渣：雞肉拆肉，用白鑊炒至乾身，加豉油、麻油再炒，就變成雞肉鬆小吃。粟米拆粒，用來炒椰菜肉片。)再加一個雜菜湯

I) 菜心蝦球、雜菜牛丸湯(用H的湯)、京蔥炒腩肉

J) 又係自家小火鍋

K) 沙律、韓式煎餃

L) 花旗蔘湯、車厘茄肉片炒日本素麵、菜心

M) 同場加影懶人蒜片：炒菜成日唔記得切蒜頭或者切薑片，之前朋友教我用獨子蒜切片（鍾意切粒、切蒜蓉都可以），放入玻璃瓶，加入橄㰖油蓋過蒜片，放在雪櫃，炒菜時可用一匙羹（多少隨意），方便很多。第一瓶已用完，這是第二瓶。可保存一個月。
♦注意，玻璃瓶洗淨吹乾，不要有水份。

 

八月份外食

雖然外食唔多好，但有時遷就花老爺遲放工，好多時都出外吃。唉！無法。

(1)    APM牛太：是日考完試，可以早點吃飯。

(2)    諾士佛台Island Sea Food：優惠券快到期，快去吃！

 

(3)    Mikiki的California Pizza

(4)    看電影前，在荷李活百老滙戲院的花月亭。

(5)    觀塘廣場上海一品香：自從女人街一品香消失後，好耐無食過上海嘢。

(6)    尖沙咀滬江飯店：姑仔負責訂位，同老爺奶奶一齊食，都唔錯。

(7)    金鐘Simply Life：同姨甥下午茶。

九重鮮

一班相識由十至二十年的朋友，由7月本來約去行山，十幾人約來約去都唔齊人，約到10月才齊人出來吃飯。經過大家你一言我一語之後，終於揀了大坑的「九重鮮」，我甚少過港島區吃飯，感覺港島區很遠。本來食店分兩輪時間，6-8P或是8-10P，但因為有些朋友假日還要進修，於是請食店幫忙，該我們可以由6:30P吃到8:30P(最後我們吃到9點幾)。

海鮮我最鍾意吃，一層一層的蒸著吃，我和一些朋友都說未試過，一定要來試。聽說這是韓國傳過來的，不過其他地方菜也仿效差不多的吃法。我們一行12大2小，分了三個爐。有三款套餐，我們選了首爾塔，海鮮較多，價錢亦合理。粥底有四款，我們選了一個人蔘雞湯，兩個韓式豬手湯。

我和花老爺最早到，服務員說先幫我們放好，人齊時才開爐，我就佔時間地利拍了粥底材料。

再來拍一張三個蒸籠，哈哈！蒸籠頂有一溫度計，當溫度計到80^oC，第一層就可以吃了。

很多朋友都不喝韓式燒酒，亦有三位朋友要駕車，所以選了「麥哥利」(韓式糯米酒)，梅酒各一枝，大家分享。

四款前菜

嘩！有得食喇！第一層：蟶子和象拔蚌！好鮮味呀！配以車厘茄和勝瓜。

第二層：元貝，好味，但略為過熟。

第三層：海蝦，正！配金菇。

第四層：北寄貝和花尾龍躉。配車厘茄及雲耳。

第五層：沙巴肉蟹和青口(青口我向來都不太喜歡吃，但不是不吃)

第六層：蚌和花甲，也是我的至愛。木瓜好清甜。

第七層：鮑魚，蘿蔔和日本蕃薯好味！

第八層：海螺，日本南瓜，粟米，娃娃菜。

雖然海鮮本身不油膩，但仍很喜歡他每層也有一些蔬菜配搭。

登登登…第九層：粥底來了，點蟹會變粥，水份全部是蒸海鮮及蔬菜的水，慢慢煮成粥，很好味。豬手粥不在我這邊，只吃了一塊豬手，因為粥底有原粒胡椒，我不吃這個味道的。整體全部都好好吃，用料新鮮。

其實這個份量已經很飽，加上兩個小朋友原來大部份海鮮都不吃的，我們要負責幫忙吃。超滿足！