開飯喇！

其實5、6月真正煮過幾多餐？5隻手指都數得晒，仲有剩添。有時一個人就用菜炒少少肉，或都可以說是碟頭飯，咁就一餐喇！所以十居其九都無影相。哈哈！

這餐叫做多幾個菜，俾大家睇吓啦！灼羅文生菜、煎雞柳、炒磨菇和牛肉粒。

這餐更簡單，蕃茄煮雞柳、忘記是甚麼魚、清炒菜心。

物盡其用，前一晚買了排骨煲蕃茄湯，飲唔晒，這天就用來煮糙米粥，這個在點點綠買的有機發芽長糙米，用來煲粥原來好好食。

這個我要介紹一下，叫「滴雞精」，是哥哥教我煮的，台灣人愛用來補身，台灣市面上有現成賣的，但自己煮都可以。我第一次試煮，就用了一隻雞全脾來試。首先將 雞脾洗淨汆水，用一個放得下雞脾的有蓋器皿盛著，蓋上蓋（沒有蓋可用錫紙封好），放入大煲內隔水煮。冷水開大火，水滾後再滾15分鐘，轉中火煮45分鐘（注意乾水）。

一隻雞全脾大概只能煮出半碗雞精（日式較淺的碗），因為我用了美國的急冰雞脾，油份沒有哥哥在台灣用的走地雞多，但卻非常好味。炒些菜，就成為花老爺的晚餐。